Koe-moonegã kibaya

◼ Yʋʋmd 2011 bõn-bɩʋʋng kiuugã tɛka, d paama kibay sẽn kengd raoodo, la sẽn wilgd t’a Zeova Kaset rãmb nins sẽn be Afirik sãntral la Afirikdeluɛsã tʋma wʋsgo. Wala makre, Benẽ, sɩpaolg kiuugã, wakat fãa so-pakdbã sõorã taa 1137. D sã n na n mage, woto yɩɩda tigims piig la a yembr neb sõore, sã n mik tɩ tiging fãa koe-moondb taa koabga.

◼ Ki-kãng bala, Togo koe-moondb 16471 wã zãmsa neb 47047 Biiblã, tɩ wilgdẽ tɩ koe-moondbã sõor na n fɩɩgame.

◼ Sẽn paase, yʋʋmd 2011, sɩpaolg kiuugã rasem 19 wã raare, Repiblik Sãntrafrikɛn Betɛllã ro-paal la b pak-yã. Baraare, yaa saam-biig a Samuel Herd sẽn naag Siglgã taoor lʋɩtb Sullã n yɩ sõsdã. Vẽkembeoogã, neb 4392 n tigim ne sũ-noogo, n kelg sõsg sẽn wilg bũmb nins b sẽn maan roogã pakr daarã. Nin-kãensã sõorã rat n taa koe-moondbã sõor naoor a yiibu.