Koe-moonegã kibaya

Liberia koe-moondb 5,955 wã modgr woma biis wʋsg tẽegrã sasa. Koe-moondb nins sẽn yãk yam n na n moon koɛɛgã n yɩɩg raasenkamã sʋka, bãmb 1,206 n yɩ sõngr so-pakdb tʋʋlg kiuugã. B ned kam fãa paama sẽn yɩɩd Biibl karen-biis a naase. Yʋʋmd 2013 tʋʋlg kiuug rasem 26 sẽn yɩ tẽegrã daarã, saam-biisã sũy yɩɩ noogo, b sẽn paam tɩ neb 81,763 wa wã. Sõor kãngã yɩɩda Liberia koe-moondbã sõor naoor 14 la bala. Tʋʋl-nif kiuugã pʋgẽ, neb 17 n deeg lisgu. B magame n mik tɩ yʋʋmd 2012 bõn-bɩʋʋng kiuugã n tall n tãag yʋʋmd 2013 sa-sik kiuugã, yaa neb 223 n deeg lisgu. Woto fãa wilgda vẽeneg tɩ neb wʋsg sɩd lebgda tũudum hakɩkã neba, tɩ yaa wa b kaoogd n wata a Zeova tãngã zugu.—Miise 4:1.