Yam sãoo sãnem halaale

Bõe yĩng tɩ ned sã n tar yam sẽn yit Wẽnnaam nengẽ bɩ tar yõod wʋsgo? Bala zãagda a soabã ne tʋʋm-wẽns maanego, la kogend a vɩɩmã. Ned sã n tar yam kãngã, a tara sũ-noogo, a no-goamã ne a tʋʋm-tʋmdɩ wã yaa sõma.

Yam soab zãagda a meng ne wuk-m-menga

16:18, 19

• 

  Yam soab sakd n deegame tɩ yaa a Zeova la yam ne bãngr hakɩɩkã yẽgre.

• Sẽn yɩɩd fãa, neb nins sẽn vɩ naar pʋgẽ wã, bɩ sẽn tar zu-zẽkr tʋʋmã segd n gũusame n da lebg wuk-m-mens rãmb ye.

16:21-24

Yam soab no-goam kengda neb a taabã

• 

  Yam soab gũusdame n get neb a taabã zʋg-sõma wã, la a pẽgd-ba.

• Goam sẽn gom ne yam yaa noog wa sɩɩdo, n kẽed neda. Pa gom-kãse, bɩ sẽn yikd sũur ye.