Yãmb tẽeda ne y sũur fãa t’a Zeova pʋlemsã na n pidsame bɩ?

A Zozuwe ne a Salomo fãa maana kaset t’a Zeova pʋleng baa a ye pa vaand ye. (Zoz. 23:14; 1 Rĩm 8:56) Nin-kãensã b yiibã kasetã sõngdame tɩ d maneg n kɩs sɩd tɩ Wẽnnaam pʋleng fãa pidsdame.—2 Kor. 13:1; Tɩt 1:2.

Wãn to la a Zeova pids a pʋlems a Zozuwe wakatẽ wã? Naag-y y zakã rãmb n ges video-kãngã: ‘A gomd baa a ye ka pa ye.’ Rẽ poor bɩ y leok sogsgã: 1) Wãn to la y tõe n wilg wa a Rahaab tɩ y tara tẽebo? (Ebre. 11:31; Zak 2:24-26) 2) Wãn to la a Akã kibarã wilgd tɩ d sã n kɩɩs Wẽnnaam ne yamleoogo, baasda wẽnga? 3) Baa Gabawõ nebã sẽn da yaa gãndaadã, bõe yĩng tɩ b belg a Zozuwe n na n bao laafɩ ne Israyɛll nebã? 4) Amoor-dãmbã rĩm-dãmb a nu sẽn wa n yik n na n zab ne Israyɛllã, wãn to la a Zeova pids a sẽn da yeel a nin-buiidã bũmb ningã? (Zoz. 10:5-14) 5) Y sẽn wilgd tɩ y reng n baooda Rĩungã la a tɩrlmã, wãn to la a Zeova sõngd-yã?—Mat. 6:33.

D sã n bʋgs bũmb nins a Zeova sẽn zoe n maanã, a sẽn maande, la a sẽn na n wa maanã zugu, na n kɩtame tɩ d maneg n tẽ a pʋlemsã ne d sũur fãa.—Rom. 8:31, 32.