Roagdbã, sõng-y y kambã tɩ b wa tũ a Zeova

Wẽn-zoɛtb tʋllame tɩ b kambã wa tũ a Zeova. B sã n zãms-b Biiblã tɩ kẽ b sʋyã hal b yãadmẽ, na n sõng-b lame tɩ b wa tõog n tũ a Zeova. (Tõo. 6:7; Yel. 22:6) Yaa vẽeneg tɩ rẽ baooda modgre! La pa na n yɩ zaalem ye.—3 Zã 4. A Zozɛf ne a Maari kibarã tõe n sõnga roagdbã hal wʋsgo. B ra “kẽngda Zerizalɛm yʋʋmd fãa, Pakã tigr yĩnga,” baa so-toakã seglg sẽn da pa nana la baood ligdã. (Luk 2:41) Yaa vẽeneg t’a Zozɛf ne a Maari ra rata ne b sũur fãa tɩ b zakã rãmb tall zood sõma ne a Zeova. Rũndã-rũndã me, roagdbã tõe n maana b sẽn tõe fãa n sõng b kambã ne b no-goamã la b manesmã tɩ b wa tũ a Zeova.—Yɩɩn. 127:3-5.

GES-Y VIDEO WÃ: B MAANA B SẼN TÕE FÃA N SÕNG B KAMBÃ. RẼ POOR BƖ Y LEOK SOGSGÃ:

• A Schiller dãmb sẽn wa n wubd b kambã, wãn to la b lʋɩɩs Rĩungã taoore?

• Bõe tɩ b segd n kibl biig fãa la b zãmsd-a Biiblã tɩ zems ne-a?

• Bõe la b tõe n maan tɩ b kambã wa tõog n yals makr taoore?

• Video-bʋs la seb-bʋs n sõng y kambã tɩ b tẽebã pãng paase?