Kiris-neb hakɩɩkã nonga taaba: Ra bao-y y meng nafre, la y ra yikd y sũy tao-tao ye

A YÕODÃ: A Zeezi yeelame tɩ yaa nonglmã n na n kɩt tɩ b bãng a karen-biisã n bake. (Zã 13:34, 35) D sã n dat n wilg tɩ d rɩkda Kirist togs-n-taar nonglmã wɛɛngẽ, d segd n baooda d taabã neere, la d ra yikd d sũy tao-tao ye.—1 Kor. 13:5.

D SẼN TÕE N BIIS-A TO-TO:

• Ned sã n yeel bɩ n maan bũmb tɩ y sũur yiki, bao-y n wʋm-y yellã vɩʋʋgo, la y tags y sẽn dat n maan bũmb ningã sẽn tõe n wa ne yɛl ninsã yelle.—Yel. 19:11.

• Tẽeg-y tɩ d fãa yaa koangdba, la tɩ wakat ninga, d togsda gomd wall d maan bũmb n wa maand d bãngẽ.

• Welgd-y y mo-yõsã tao-tao.

GES-Y VIDEO WÃ: “NONG-Y TAABA”: RA BAO-Y Y MENG NAFRE, LA Y RA YIKD Y SŨY TAO-TAO YE. RẼ POOR BƖ Y LEOK SOGSGÃ:

• Bõe n wilgd t’a Toma goamã ra pa sek a Loorã sũurã na yiki?

• A Toma sẽn yaas n tagsã, wãn to la rẽ sõng-a t’a pa yik a sũuri?

• A Toma sẽn bʋk a meng n leokã, wãn to la rẽ kɩt tɩ yellã pa zẽne?