Y sã n tar ‘gõaag y yĩngã pʋgẽ,’ y tõe n maoo ne-a n tõoge

Rũndã-rũndã sẽn yaa yaoolem wakatã, zu-loees sẽn wõnd gõos n namsd wẽn-tũudbã fãa. (2 Tɩm. 3:1) Bõe la d tõe n maan n paam t’a Zeova sõng-d tɩ d mao ne zu-loe-kãense? Ges-y video wã: “Zoens nin na n pugsame.” Y na n bãnga a Talita Alnashi ne a roagdbã sẽn teeg a Zeova to-to. Rẽ poor bɩ y leok sogsgã:

• A Talita ‘yĩngã pʋgẽ gõaagã’ yaa bõe?

• Biiblã pʋlem-bʋs n sõng a Talita ne a roagdbã tɩ b pa koms raoodo?

• A Talita woperasɩõ wã poor bala, bõe la a roagdbã maan tɩ wilg tɩ b teega a Zeova?

• Wãn to la a Talita roagdbã tall bũmb nins siglgã sẽn yiisdã, n sõng-a t’a nong a Zeova?

• Bõe la a Talita maand tɩ wilgdẽ t’a tẽebã bɩtame, baa ne a ‘yĩngã pʋgẽ gõaagã’?

• Wãn to la a Talita mak-sõngã keng yãmb raoodo?