“Yiis-y wẽn-naandsã y sʋka”

Baa ne a Zeova sẽn da nan pa lugl tõog sẽn gɩdg bõn-naandsã pʋʋsgã, a Zakoob ra miime tɩ yaa a Zeova a ye tãa la a segd n tũ. (Yik. 20:3-5) Rẽ n so t’a Zeova sẽn wa n yeel a Zakoob t’a lebg n leb Betɛllã, a Zakoob kõo neb nins fãa sẽn da be ne yẽ wã noor tɩ b yiis wẽn-naandsã b sʋka. Rẽ poore, a Zakoob busa wẽn-naandsã. Wala makre, tʋb-londã b sẽn da ningd n tẽed tɩ na n kogl-b lame wã. (Sɩng. 35:1-4) Yaa vẽeneg t’a Zeova sũur yɩɩ noog ne a Zakoob sẽn maanã.

Rũndã-rũndã, bõe la d tõe n maan n wilg tɩ yaa a Zeova a ye tãa la d tũuda? D tog n deng n zãaga d meng ne wẽn-naandsã pʋʋsgo, la zĩn-dãmbã yɛla. Woto rat n yeelame tɩ d tog n loba zĩn-dãmbã teedã fãa, la d maag d yĩng n ges bũmb nins d sẽn maand n deemdẽ wã. Wala makre, d sok d meng yaa: ‘Mam karemda sɛb bɩ m geta filim-dãmb sẽn gomd vãmpiir-dãmb yelle, bɩ yel-soalem yell bɩ? Rẽ yĩnga, m nonga filim sẽn wilgd ned sẽn yaa kinkir baga, tɩɩm soab bɩ ned sẽn bʋgd bagre, n getẽ tɩ pa wẽng bɩ?’ D tog n zãaga d meng ne bũmb nins fãa a Zeova sẽn kisã.—Yɩɩn. 97:10.

GES-Y VIDEO WÃ: “KƖƖS-Y SƲƖTÃANÃ,” TƖ RẼ POOR BƖ Y LEOK SOGSGÃ:

• 

  Zu-loe-bʋg la a Palesa sẽn yaa Biibl karen-biigã paam-yã?

• 

  Ned sã n tar zu-loɛɛg zĩn-dãmbã yɛlã wɛɛngẽ, bõe yĩng t’a tog n bao kãsem-dãmbã sõngre?

• 

  Neb nins sẽn dat t’a Zeova kogl-bã segd n laka b mens fasɩ ne bõe?

• Bõe la a Palesa yãk yam n maane?

• Yãmb babgẽ wã, bõe la y tõe n maan n zãag y meng ne zĩn-dãmbã yɛlã?