D SẼN BÃNG BIIBLÃ KARENG PƲGẼ | YIKRI 35-36

B paama minim, n tõog n tʋm Wẽnnaam tʋʋmdã

A Zeova vʋʋsem sõngã sõnga a Bɛtsalɛll ne a Oholiyaab tɩ b tõog n maan sɛk-roogã yel-bõonegã fãa wa a sẽn wilg-bã. (Ges-y sebrã pipi neng fotã.) Rũndã-rũndã, a Zeova nin-buiidã me paamdame t’a vʋʋsem sõngã sõngd-ba. Bõe la d segd n maan n paam vʋʋsem sõngã?

D segd n pʋʋsa Wẽnnaam n kos t’a sõng-d ne a vʋʋsem sõngã maasem, tɩ d paam minim a tʋʋmã pʋgẽ n paase.
D segd n zãmsda Wẽnnaam Gomdã ne d sũur fãa.
Sẽn yaa tʋʋmd ning fãa la b kõ-do, d segd n tʋma ne d sũur fãa.

Fot-rãmbã: A Zeova Kaset rãmb sẽn tʋmd tũudmã tʋʋm toor-toore. 1. Saam-bi-pogs sẽn sõngd ne meebo. 2. Saam-biig sẽn segend a meng n na n lʋɩ taoor Gũusg Gasgã zãmsg sasa. 3. Saam-biig sẽn taasd te-koaas koɛɛgã, t’a tũud-n-taagã gũusd neere, tɩ neb sẽn pa nong-b ra wa ling-b ye. 4. Pag ne a sɩd sẽn be Rĩungã koe-moondb lekollẽ.

A Zeova tõe n sõng-d lame tɩ d paam minim n tõog n tʋm tʋʋm-bʋse?