ZĨ-LIKR RASEM 20-26
KOƐƐG SOABA 9-10
Yɩɩll 30 la pʋʋsgo | Sɩngr goama (Min. a 1)
1. Tall-y tagsg sẽn zemse, y zu-loeesã wɛɛngẽ
(Min. 10)
D sã n wa maood ne zu-loeese, pa rat n yeel tɩ d pa le tat a Zeova yam ye (Koɛ. 9:11; w13 8/1 17 s. 20-21)
D pa segd n gũudẽ tɩ vɩɩmã lebg noog a Sʋɩtãan dũni-kãngã pʋgẽ ye (Koɛ. 10:7; w19.09 5 s. 10)
D segd n baooda sẽk n maand sũ-noog ne bũmb nins a Zeova sẽn kõt-dã, baa d sã n wa maood ne zu-loeese (Koɛ. 9:7, 10; w11 10/1 10 s. a 1-2)
2. D bʋgs Wẽnnaam Gomdã zug neere
(Min. 10)
Koɛ. 10:12-14. Vɛrse-kãensã keoogda tõnd ne bõe, wɩdgã wɛɛngẽ? (lv 137 s. 11, 12)
Togs-y semen-kãngã Biiblã karengã sẽn sõng yãmb tɩ y bãnge.
3. Biiblã karengo
(Min. a 4) Koɛ. 10:1-20 (th sak 11)
4. Y sẽn tõe n sɩng sõsg to-to
(Min. a 3) ZÃMA ZĨISẼ. Sɩng sõsg ne ned sẽn wõnd a sũurã pa noom ye. (lmd sak a 3 nimero a 4)
5. Y sẽn tõe n sɩng sõsg to-to
(Min. a 4) TŨNUG NE SEGB Y SẼN PAAME. Ges Nong-y nebã sebrã vẽnegr A wã zĩigẽ, n yãk bũmb a ye sẽn naag “Bũmb kẽer d sẽn nong n zãmsd nebã” n sõs a zug ne ned sẽn yeel foo tɩ ligdã kaalmã namsd-a lame. (lmd sak a 4 nimero a 4)
6. Sõng-y-b tɩ b lebg a Zeezi karen-biisi
Yɩɩll 47
7. A Zeova na n sõng-y-la yel-pakr wakate
(Min. 15) Sõsg ne kɛlgdbã.
Daar ne a to fãa, d maooda ne zu-loees buud toor-toore. La wakat ning me, zu-loe-kɛgeng tõe n tiig n waame, hal n sãam d sũur wʋsg tɩ d pʋd n pa mi d sẽn maandg ye. Ãnd n tõe n sõng-do, la bõe la d tõe n maan d sã n wa be yell a woto taoore?
Baa sẽn yaa yell ning la d maood ne, a Zeova kɩtdame tɩ d “vɩɩmã yaa bãan” wakat fãa. (Eza. 33:6) Sẽn na yɩl n teeg a Zeova, d segd n yɩɩ maan tɩ zems rãmba, la sik-m-mens rãmba. (Yel. 11:2) D sã n wa segd zu-loeese, tõeeme tɩ d segd n baoo sẽk n ges d meng bɩ d sẽn nong-b rãmbã yelle, wall n bãng n yãk yam sẽn yaa sõma, bɩ n bao sẽk n vʋʋs n paam tɩ d sũurã sigi. (Koɛ. 4:6)
Yaa sɩd t’a Zeova tũnugda ne d tẽed-n-taasã n na n keng d raoodo. La tõnd mengã segd n saka rẽ, bɩ n kot d taabã sõngre. Tẽeg-y tɩ y tẽed-n-taasã nonga yãmb hal wʋsgo, la tɩ b sã n paam n na n sõng-yã, noom-b lame.
Karm-y 2 Korẽnt rãmb 4:7-9. Rẽ poor bɩ f sok kɛlgdbã yaa:
Bõe yĩng tɩ d segd n ket n maand d sẽn tõe fãa n kẽnd tigissã, n karemd Biiblã la d moond koɛɛgã, baa sã n wa yaa toogo?
Ges-y VIDEO wã: A Zeova pẽe sũ-sãams rãmbã. Rẽ poor bɩ f sok kɛlgdbã yaa:
Wãn to la a Zeova sõng saam-biig a Septer ne a pagã?
Wãn to la b tẽed-n-taasã sõng-ba?
Yam-bʋg la y rɩk b mak-sõngã pʋgẽ?
8. Tigingã Biibl zãmsgo
(Min. 30) lfb sak 28, babg a 6 sɩngr goama, la sak 29