Y sẽn tõe n karme

Yãmb nonga d tẽed-n-taasã vɩɩm kibayã kareng bɩ?

Pag a ye ne a sɩd sẽn da nong n karemd d tẽed-n-taasã vɩɩm kibay yibeoog fãa yeelame: “Kiba-kãens kengda d raoodo, la kõt-d sũ-noog wʋsgo. Tẽegda tõnd tɩ sẽn wa n yaa zu-loɛɛg ning fãa, tõnd me tõe n kell n maana sɩd ne Wẽnnaam.” Saam-bi-poak a to me yeelame yaa: “Kiba-kãens yaa sõma wʋsgo. Kengda raood la kõt belsgo. D tẽed-n-taasã vɩɩm kibayã tara yõod wʋsgo. Nafda ned hal sõma. Sõngda maam tɩ m wɩngd ne koɛɛgã moonego, la m sõngd m kambã sẽn na yɩl tɩ b wa kẽes b mens zãng a Zeova tʋʋmdã pʋgẽ.”

D tẽed-n-taasã vɩɩm kibayã tõe n sõng-y lame tɩ y modg n tʋm tʋʋm wʋsg a Zeova siglgã pʋgẽ, tɩ y mao ne y pãn-komsmã, la y tõog toog zu-loees wʋsg pʋsẽ n ket n tar sũ-noogo, tɩ y vɩɩmã me tar barka. Yɛ la y tõe n paam kiba-kãense?

• Kẽ-y Watchtower SƐB VAEESG ZĨIGA, bɩ Watchtower Library wã, wall jw.org pʋgẽ n gʋls tɩ: “Ned vɩɩm kibare,” n gẽese.