Yɩɩll a 3
“Wẽnnaam yaa nonglem”
1. Wẽnnaam yaa nonglem
la a raabã yaa tɩ tõnd me tall nonglem.
Tõnd sã n nong Wẽnnaam la d taabã,
tõnd na n tʋmda tʋʋm-sõma.
Woto la vɩɩmã yɩt noogo,
la yaa woto la d rata.
Tõnd sã n nong nebã wa Kristã,
tõnd na n wilga rẽ daar fãa.
2. Tõnd sã n nong Wẽnnaam la sɩdã,
d na n nonga nebã me.
Tõnd sã n wa mak bũmb n konge,
Wẽnnaam na n sõnga tõndo.
Nonglem pa maand sũ-kiir lae-lae,
nonglem tõogda toog buud fãa.
Bɩ d modg n nong d saam-biisã,
tɩ d na paam Wẽnnaam barkã.
3. Bɩ d ra sak tɩ yam-wẽng kẽ-do,
tɩ d wa maan sẽn pa zems ye.
D teeg Wẽnnaam t’a sõng tõndo,
tɩ d tũ a noor ning sẽn yet tɩ:
Nong Wẽnnaam la f nong f taabã,
tɩ nonglem hakɩk la rẽ.
Bɩ d nong tõnd taabã wakat fãa,
wa Wẽnnaam sẽn nong tõndã.
(Ges-y Mark 12:30, 31; 1 Kor. 12:31–13:8; 1 Zã 3:23.)