D bao yʋ-noog Wẽnnaam taoore

1. Tõnd vɩɩmã tõre, tõnd rat n modgame,

n sak Wẽnd tõodã, n paam n ta yẽ yam.

Tõnd fãa sã n modg n maan sẽn yaa tɩrg Wẽnd nifẽ,

tõnd na n sɩd nooga Wẽnnaam sũuri.

2. Fo sã n baood yʋʋre la ziir dũnyã pʋgẽ,

n dat n paam tɩ nebã buud fãa pẽg-fo,

ad sɩd yaa faoor menga. Wẽnnaam zood la sõma.

Ned sẽn nong dũnyã yaa Wẽnnaam bɛ.

3. Tõnd ratame tɩ Wẽnnaam tẽeg tõnd yelle,

n gʋls tõnd yʋyã a vɩɩm sebrã pʋgẽ.

Tõnd sɩd teega Wẽnde, n na n moon koe-noogã,

la d tall yʋ-noogo, tɩ saabã ta.