Yɩɩll 111
A Zeova na n wa boola sẽn ki-bã
1. Tõnd vɩɩmã yaa wa wulug sẽn puki,
pa zaeed loogr baa bilfu.
Ninsaal buud fãa sɩd tõe n maana kaalem,
tɩ nebã sũy sãam wʋsgo.
Ninsaal sẽn zoe n ki tõe n vʋʋgame bɩ?
Ad Wẽnd Gomdã sẽn yete:
(REESGO)
A na bool tɩ sẽn ki-bã wʋm.
N wʋm yẽ koɛɛgã n vʋʋge.
Bala a nonga tõndo,
tõnd sẽn yaa yẽ nug-tʋʋmdã.
Tall-y tẽeb tɩ y yam da yuus ye,
tɩ Wẽnd na n vʋʋga tõndo,
tɩ d vɩɩmd wakat sẽn kõn sa,
tõnd sẽn yaa yẽ nug-tʋʋmdã.
2. Wẽnd zo-rãmbã meng tõe n maana kaalem,
la yẽ pa yĩmd b yell ye.
Neb nins Wẽnnaam sẽn tẽr b yellã
fãa na n wa vʋʋgame n yiki.
Rẽ la d fãa na paam vɩɩm sẽn tar barka,
tẽng zug arzãnã pʋgẽ.
(REESGO)
A na bool tɩ sẽn ki-bã wʋm.
N wʋm yẽ koɛɛgã n vʋʋge.
Bala a nonga tõndo,
tõnd sẽn yaa yẽ nug-tʋʋmdã.
Tall-y tẽeb tɩ y yam da yuus ye,
tɩ Wẽnd na n vʋʋga tõndo,
tɩ d vɩɩmd wakat sẽn kõn sa,
tõnd sẽn yaa yẽ nug-tʋʋmdã.