B sẽn kelg a Sʋɩtãana, bõe n maane?

A Ãdem ne a Hawa kɩɩsa Wẽnnaam, rẽ la b sẽn ki wã. Sɩngre 3:6, 23

A Hawa sẽn kelg waafã, a yãka tɩɩgã bil n dɩ, la a yãk n tɩ kõ a Ãdem me t’a rɩ.

B sẽn maanã yaa yel-wẽnde, b beega Wẽnnaam. Wẽnnaam rig-b lame n yiis zẽedã zĩigẽ.

Vɩɩmã lebga toog ne-ba, la ne b kambã. B talla kʋʋlgo, n wa ki. La b pa tɩ vɩ saasẽ bɩ zĩig a to ye. B pʋd n pa le vɩ ye.

Sẽn ki-bã pa vɩ ye. B lebga tẽng tom. Sɩngre 3:19

Tõnd yaa kiidba, bala d yaa a Ãdem la a Hawa yagense. Ned sẽn ki pa tõe n maan bũmbu, a pa ne, a pa wʋmde.—Koɛɛg Soaba 9:5, 6, 10.

A Zeova ra pa rat tɩ nebã kiidẽ ye. Ka la bilfu, a na n vʋʋga sẽn ki-bã. B sã n kelg-a la b tũ, b na n vɩɩmda wakat sẽn kõn sa.