Wãn to la a Zezi kũumã nafd yãmba?

A Zezi kii sẽn na yɩl tɩ tõnd paam n vɩɩmde. Zã 3:16

Rasem a tãab a Zezi kũumã poore, pagb n kẽng yaoogẽ wã n tɩ mik tɩ yaa vɩʋʋgo. A Zeova vʋʋga a Zezi.

A Zezi vʋʋgrã poore, a puka a meng t’a tʋm-tʋmdbã yã-a.

A Zeova vʋʋga a Zezi t’a le lebg malɛk sẽn tar tõog wʋsgo, n pa na n tol n ki ye. A Zezi karen-biisã yã-a-la a sẽn wa n dʋʋd saasẽ wã.

Wẽnnaam vʋʋga a Zezi n kɩt t’a lebg a Rĩungã rĩma. Daniɛll 7:13, 14

A Zezi sak n kiime tɩ yɩ rond ãdem-biisã yĩnga. (Matɩe 20:28) Rondã yĩnga, Wẽnnaam sakame tɩ tõnd tõe n wa vɩɩmd wakat sẽn kõn sa.

A Zeova kɩtame t’a Zezi lebg rĩma, n na n dɩ naam tẽngã gill zugu. Wẽn-sakdb 144000 la b na n vʋʋg tɩ b kẽng saasẽ. Yaa a Zezi ne nin-kãensã 144000 n na n naag taab n dɩ naam Wẽnnaam Rĩungã sẽn yaa tɩrlem goosneemã pʋgẽ.—Wilgri 14:1-3.

Wẽnnaam Rĩungã na n kɩtame tɩ tẽngã lebg arzãna. Zabã, tʋʋm-beed toor-toorã, naongã la komã na n saame. Nebã na n paama sũ-noog hakɩka.—Yɩɩl Sõamyã 145:16.