Yɩɩll 139
Sõng-b tɩ b tẽebã tall pãnga
Tõnd sã n tõog n zãms nebã Biiblã,
n ne tɩ b tẽebã bɩtẽ,
t’a Zeova sõngd-b bũmb fãa pʋgẽ,
tɩ b tũud-a, nooma tõndo.
(REESGO)
Zeova tõnd pʋʋsda foo n kotẽ,
tɩ f ges b yell wakat buud fãa.
Ne a Zeezi yʋʋr bɩ f sõng bãmb fãa, tɩ b tall tẽebo,
tɩ ned fãa tẽeb tall pãng sõma.
B paama makr buud toɛy-toɛya,
la d ra pʋʋsda bãmb yĩnga.
Tõnd baoo sẽk n zãms-b la d sõng-ba,
tɩ b paam tẽeb, la b paam barka.
(REESGO)
Zeova tõnd pʋʋsda foo n kotẽ,
tɩ f ges b yell wakat buud fãa.
Ne a Zeezi yʋʋr bɩ f sõng bãmb fãa, tɩ b tall tẽebo,
tɩ b fãa tẽebã tall pãng sõma.
Bɩ ned fãa teeg Wẽnnaam ne a Biigã,
n tall tẽeb ne bãmb goamã.
Bɩ b ned fãa nang pãng n sak Wẽnnaam,
n wa paam vɩɩm sẽn kõn sa.
(REESGO)
Zeova tõnd pʋʋsda foo n kotẽ,
tɩ f ges b yell wakat buud fãa.
Ne a Zeezi yʋʋr bɩ f sõng bãmb fãa, tɩ b tall tẽebo,
tɩ b fãa tẽebã tall pãng sõma.
(Ges-y Luk 6:48; Tʋʋ. 5:42; Fil. 4:1)