Babg a 5 wã sɩngr-goama

Israyɛll nebã sẽn pasg mog-miuugã, kiis a yiib poore b taa Sinayi tãngẽ wã. Beenẽ, a Zeova maana kaool ne-ba, tɩ b lebg neb yẽ sẽn yãk tɩ b yaa toore. A kogl-b lame, la a kõ-b bũmb nins fãa b sẽn da ratã. A kõ-b-la rɩɩb b sẽn boond tɩ mann, n kõ-b fut sẽn pa sãamde, la a wilg-b zĩis b sẽn tõe n tilg b fu-rotã tɩ bũmb pa maan-b ye. Yãmb sã n yaa roagda, sõng-y y biigã t’a bãng bũmb ning sẽn kɩt t’a Zeova kõ Israyɛll nebã tõogã, sɛk-roogã, la maan-kʋʋdbã. Wilg-y-yã-a tɩ d segd n maana wa d sẽn yeele, tɩ d segd n yɩɩ sik-m-mens rãmba, la d sak a Zeova wakat fãa.