Babg a 7 wã sɩngr-goama

Bab-kãngã pʋgẽ, d na n goma rĩm a Sayull ne rĩm a Davɩɩd yelle. Bũmb ning yell d sẽn na n goma maana yʋʋm 80 pʋgẽ. Sɩngrẽ wã, a Sayull ra yaa sik-m-meng soaba, la a zoet Wẽnnaam. La a wa n toeemame, n pa le tũud a Zeova ye. A Zeova bas-a lame, n kɩt t’a Sãmwɛll tɩ yãk a Davɩɩd t’a na n wa lebg Israyɛll rĩma. A Sayull lebga sũ-ki-neda. A maka naoor wʋsg n na n kʋ a Davɩɩde. La a Davɩɩd zɩ n bao n dok a sũur ye. A Sayull biig a Zonatã ra miime tɩ yaa a Davɩɩd la a Zeova yãk-yã. Rẽ n so t’a sõng a Davɩɩde. A Davɩɩd wa n maana yel-wẽn-kãsemse, la a sakame t’a Zeova kibl-a. Yãmb sã n tara biiga, sõng-y-yã-a t’a bãng tɩ d segd n sakda a Zeova, la d sak tɩ neb nins a sẽn yãkã wilg-d sore.