Babg 10 sɩngr-goamã

A Zeova rɩta naam bũmb nins fãa a sẽn naanã zugu. Bũmbã fãa bee a nugẽ, t’a tõe n kɩt tɩ b maan yẽ sẽn datã. Wala makre, a fãaga a Zeremi n yiis-a bulg pʋga. A fãaga a Sadrak, a Mesak ne a Abɛɛdnego tɩ bugum pa rɩ-ba, la a kɩt me tɩ gɩgma pa wãb a Dãniyɛll ye. A Zeova sõnga a Ɛstɛɛr t’a tõog n fãag a buudã neba. A pa na n bas tɩ nebã tʋmd tʋʋm-wẽnsã wakat fãa yĩng ye. Biiblã sẽn gom bõn-naandg kãseng la tɩ-bedr yellã wilgdame tɩ ka la bilfu, a Zeova Rĩungã na n kɩtame tɩ wẽnemã fãa sa, la a soog tẽngã.