Babg 13 sɩngr-goamã

A Zeezi waa tẽngã zug n kõ a vɩɩmã, ninsaalbã sẽn pa zems zãngã yĩnga. Baa ne a sẽn ki wã, a tõoga dũniyã. A Zeova vʋʋga a Biigã, wa a sẽn da yeelã. A Zeezi sika a meng n tʋm n sõng nebã hal n tãag a kũum, la a ra kõt-b sugr wakat fãa. A vʋʋgrã poore, a vẽnega a meng t’a karen-biisã yã-a. A zãms-b-la b sẽn tog n tʋm tʋʋmd ning a sẽn kõ-bã to-to. Yãmb sã n tara biiga, sõng-y-yã-a t’a bãng tɩ tõnd me tog n kẽesa d meng tʋʋm-kãng pʋgẽ.