YƖƖLL A 3
Foo la tõnd pãng zĩiga, foo la tõnd teeg-yã
1. Tõnd Ba a Zeova, fo kõo tõnd tẽebo
tɩ beoog na n yɩɩ neere.
Yaa bũmb sẽn kõt tõnd sũ-noogo,
tɩ d rat n taas nebã.
La vɩɩmã pida ne zu-loeese.
Rẽnda n mi n kẽes tõnd rabeem,
tɩ d yĩm bũmb nins fo sẽn pʋlme,
tɩ tõe n keng tõnd raoodã.
(REESGO)
Foo la tõnd pãng zĩiga, foo la tõnd teeg-yã.
Fo sõngda tõnd bũmb fãa pʋgẽ.
Tõnd sã n tʋmd f tʋʋmdã, d sũy keemame,
bala yaa foo f ye la d teeg-yã.
2. Zeova, sõng tõnd tɩ d ra wa yĩm ye.
Tɩ d yɩ mi-beoog rãmba.
Bala yaa foo n belsed tõndo,
baa sẽn yaa yell ninga.
D sã n tẽeg rẽnda kengda pɛlga,
tɩ d paam tẽeb sẽn tar pãnga.
Sõngda tõnd tɩ d raoodã paase,
tɩ d pẽg fo yʋʋr zĩig fãa.
(REESGO)
Foo la tõnd pãng zĩiga, foo la tõnd teeg-yã.
Fo sõngda tõnd bũmb fãa pʋgẽ.
Tõnd sã n tʋmd f tʋʋmdã, d sũy keemame,
bala yaa foo f ye la d teeg-yã.
(Ges-y Yɩɩn. 72:13, 14; Yel. 3:5, 6, 26; Zer. 17:7.)