YƖƖLL 48
D tũ a Zeova daar fãa
(Miise 6:8)
1. Tõnd bee d saasẽ Ba wã poorẽ.
Tõnd tũuda yẽ ne sik-m-menga.
A sẽn sak tɩ tõnd tũud-a wã,
a maana tõnd lohorem wʋsgo.
Wẽnnaam sẽn nong tõndã yĩnga,
tõnd tõe n paamam’ t’a yɩ d zoa.
Tõnd rɩka d mensã n kõ yẽnda,
n na n zĩnd a poorẽ daar fãa.
2. Dũni-kãngã kolga saabo,
tɩ Sʋɩtãanã sũurã puud wʋsgo.
Rẽ wata ne toog la namsgo,
sẽn tõe n wa kẽes tõnd rabeem wʋsgo.
La a Zeova na n sõnga tõndo.
Tõnd sẽn dat yaa d pa ne yẽ,
n tõog n tũ-a ne d sũurã fãa,
la d nong-a wakat sẽn kõn sa.
3. Wẽnnaam sõngda tõnd wakat fãa,
ne a Gomdã la tigissã maasem.
A kõta tõnd vʋʋsem sõngã.
Tõnd sã n pʋʋsdẽ, a sɩd wʋmdame.
Wẽnnaam sẽn mi tɩ d yaa a kambã,
a na n sõnga tõnd daar fãa,
tɩ d maan neb a taabã neere,
la d yɩ sik-m-mens rãmb daar fãa.
(Ges-y Sɩng. 5:24; 6:9; 1 Rĩm 2:3, 4.)