D keng taab raoodo

1. Ned kam fãa sã n kengd a to raoodo,

tɩ d fãa tũud a Zeova sõma,

tõnd nonglmã na n talla paasgo.

Tõnd na n tõog n zemsa taaba.

Nonglem sẽn be Wẽnd nebã sʋkã,

sõngdame tɩ d fãa paam raoodo.

Tõnd tigingã yaa kogleg zĩiga.

Yaa zĩig tõnd yam sẽn gãe bãane.

2. Goam sẽn yaa sõma la sẽn zemse,

tõe n belsa ned sũur la keng-a.

Tõnd saam-biisã sẽn nong tõnd wʋsgã,

gomda goam a woto buudu.

Tõnd sã n tʋmd ne tõnd tẽed-n-taasã,

yaa noog la tar yamleoog wʋsgo.

Tõnd baood n na n tʋka taab zɩɩbo,

la d keng tõnd saam-biisã raoodo.

3. Yɛlã kɩtame tɩ d ne vẽen’ga,

t’a Zeova daarã ta n saame.

Yaa tigissẽ wã la d paamd raoodo.

Pa masã la tõnd na n vaal ye.

Tõnd sẽn naag a Zeova nin-buiidã,

yaa sẽn na n tũ-a tõnd yõor tɛka.

Rẽ n so tɩ d rat n keng taab raoodo,

n tõog n kell n sak Wẽnnaam.