D sõng neb nins sẽn ka pãngã

1. Tõnd sẽn yaa ka-pãng rãmbã,

tõnd mi n kongdame.

Ne rẽ fãa Wẽnnaam geta

tõnd yell la a nong-do.

A yaa nimbãan-zoeta,

la a tar nonglem wʋsgo.

Tõnd me nong ka-pãng rãmbã,

n mao n sõng bãmba.

2. Nina kẽnda ne zɩɩbo,

t’a tẽebã komse.

La tõnd tõe n belsa a sũuri,

ne tõnd no-goamã.

A sẽn yaa Wẽnd nedã,

Wẽnd ka na n bas-a ye.

Bɩ tõnd me kʋm nin-kãngã,

la d ges a yelle.

3. Baa ned tẽeb sã n ka pãnga,

bɩ d ra sãbs-a ye.

D ges d sẽn tõe n maane,

n keng a raoodo.

D mao ne d sũurã fãa

n teel-a la d sõng-a.

Tõnd sã n sõng ned a woto,

rẽ n noom a Zeova.