A Zeova yaa laafɩ Wẽnnaam

1. Zeova, fo yaa nonglem,

fo le yaa laafɩ Wẽnnaam.

Ne tõnd sũur fãa tõnd kota foo,

tɩ fo laafɩ zĩnd ne-do.

Baa ne tõnd yel-wẽnã,

fo Biigã kii tõnd yĩnga,

n na n wa ne zems-n-taare,

fo mengã ne tõnd sʋka.

2. Ne fo vʋʋsem sõngã

la ne fo Gomdã maasem,

fo kõta tõnd yam la vẽenem,

dũni sẽn yaa lik pʋgẽ.

Bɩ f kell n sõng tõndo,

tɩ laafɩ zĩnd d sʋka

Bala d gũuda wakat ninga,

zabã fãa sẽn na n sa wã.

3. Fo sẽn nong b rãmbã,

fo tigma bãmb ne taaba,

n dat tɩ b naag saasẽ dãmbã,

n teel fo naam sẽn watã.

Ne fo Rĩungã maasem,

fo na n men’sa zabã fãa,

tɩ nin-tɩrsã zĩnd ne laafɩ

wakat sẽn kõn sa yĩnga.