YƖƖLL 119
Tõnd tog n talla tẽebo
1. Wẽnnaam ra yãka yẽ neb n tʋm-ba,
tɩ b taas ninsaalbã yẽ koeese.
Masã Wẽnnaam Biigã meng yetame,
tɩ d tek yam la d kos sugri.
(REESGO)
Tõnd sã n tar tẽeb sẽn tar pãnga,
na n kɩtame tɩ tõnd põse.
Tõnd sã n wilg tɩ d tara tẽebo,
d na n wa paama vɩɩm sẽn ka satã.
2. Tõnd saka Kristã noorã ne d sũur fãa.
Tõnd moonda Rĩungã koɛɛg zĩig fãa.
Daar fãa la zĩig fãa, tõnd taasda koɛɛgã,
baa yɛlã sẽn yaa to-to.
(REESGO)
Tõnd sã n tar tẽeb sẽn tar pãnga,
na n kɩtame tɩ tõnd põse.
Tõnd sã n wilg tɩ d tara tẽebo,
d na n wa paama vɩɩm sẽn ka satã.
3. Tõnd tẽebã sõngda tõnd tɩ d ra leng ye,
la d ra yɛɛs n leb poorẽ ye.
Tõnd tẽebã na n sõnga tõnd tɩ d tõog toogo,
Bala d fãagrã kolgame.
(REESGO)
Tõnd sã n tar tẽeb sẽn tar pãnga,
na n kɩtame tɩ tõnd põse.
Tõnd sã n wilg tɩ d tara tẽebo,
d na n wa paama vɩɩm sẽn ka satã.
(Ges-y Rom. 10:10; Ef. 3:12; Ebre. 11:6; 1 Zã 5:4.)