D yɩ neb sẽn maand sɩda

1. D sak Wẽnnaam daar ne a to fãa,

n sɩd nong-a ne d sũur fãa.

Tõnd dɩka d mens n kõ Wẽnnaam

n dat n zãms yẽ noyã.

A noyã yaa sõma ne-do,

tɩ tõnd rat n tũ-b daar fãa.

Yaa sɩd soaba, tɩ d na n teeg-a.

Tõnd kõn bas yẽ a bada.

2. Tõnd nonga tõnd saam-biisã fãa,

n sõngd-b wakat buud fãa.

Tõnd kɩsa sɩd ne-b wakat fãa.

Tõnd sɩd rata bãmb neere.

D waoogda tõnd saam-biisã fãa,

ne d no-goam la ne d tʋʋmã.

Bɩ d sak n tũ Biiblã goamã,

n nong taab wakat buud fãa.

3. Tõnd yel-gɛtbã sã n kõ-d saglse,

bɩ tõnd fãa tũ ne d sũur fãa.

B sã n yeel tõnd tɩ d maan bũmbu,

bɩ d maan dẽ ne yamleoogo.

Rẽ Wẽnnaam na ning tõnd barka,

tɩ tõnd fãa sũy yɩ noogo.

Bɩ d sak Wẽnnaam, tõnd Ba a Zeova,

n yɩ yẽ Kaset rãmba.