Kibaya, kɛlgdbã yĩnga

TIGISS SẼN YAA ZALLE

BETƐLLẼ TƲM-TƲMDBA: D rat n togsa koe-moondb nins yʋʋm sẽn ta 35 bɩ sẽn pa ta rẽ wã, n dat n tʋm Betɛllẽ wã tɩ tigsg n na n zĩnd arzũmã daar zaabre. D na n wa togs-y-la tigsgã sẽn na n yɩ zĩig ning la wakat ninga.

RĨUNGÃ KOE-MOONDB LEKOLLE: D rat n togsa so-pakdb nins yʋʋm sẽn zems 23 n digd 65, n dat n kẽng Rĩungã koe-moondb lekollã tɩ tigsg n na n zĩnd hatã daar zaabre. D na n wa togs-y-la tigsgã sẽn na n yɩ zĩig ning la wakat ninga.

KIBAYA, KƐLGDBÃ YĨNGA

SẼN DEEGD-B NEBÃ: Sẽn deegd-b nebã tʋll n sõng-y lame. D bõos tɩ y sak n tũ b sẽn wilgdã sõma, wiidi wã la mobilã gaargã, nebã kẽn tigis-kãsengã zĩigẽ la yɛl a taab wɛɛngẽ.

LISGÃ: B na n yãka zĩig sẽn na n deeg-b lisgã yĩng ɛstaraadã taoore. Kibar a to sã n wa beẽ, b na n deng n togsame tɩ sẽn deegd-b nebã bãnge. Sibrã yibeoogo, sẽn dat-b n deeg lisgã segd n tɩ zĩnda zĩis nins b sẽn yak b yĩngã, tɩ lisgã sõsg nan pa sɩng ye. Ned kam fãa segd n waa ne fuug sẽn zemse, a sẽn na n yeelg n kẽ koomẽ wã, la a sɛrvɩɛte.

YAMLEOOG KŨUNI: B yiisa ligd wʋsg sẽn na yɩl tɩ zaoosã, aparɛy-rãmbã, la bũmba fãa yɩ sõma, tɩ d tigis-kãsengã tall yamleoogo, la sõng tɩ tõnd ne a Zeova zoodã pãng paase. Yãmb yamleoog kũunã sõngdame tɩ b maand depãens kãensã, leb n teenda tʋʋmdã dũniyã gill zugu. Sẽn na yɩl tɩ yɩ nana ne-yã, kogend la b rɩgl zĩig-zĩiga. D nanda y kũunã fãa y sẽn kõt ne yamleoogã wʋsgo. Siglgã taoor-lʋɩtb Sull pʋʋsd-y-la barka, y sẽn teend Wẽnnaam tʋʋmdã ne y kũunã.

TƖBSGO: D tẽegd-y lame tɩ tɩbsgã zĩigã bee YEL-PAKR YĨNG BALA.

TE-YÃTMÃ ZĨIGA: Y sã n yã bũmb n dɩk bɩ y tɩ kɩs be. Yãmb bũmb sã n menem bɩ y kẽng be n tɩ gese. B segdame me n peeg kamb nins sẽn menemã n kẽng be. La pa kamb gũub zĩig ye. Rẽ n so tɩ d bõosd-y tɩ y gũ y kambã la y ra bas-b tɩ b saad ye.

ZAOOSÃ: D bõos tɩ y tags y taabã yelle. Tẽeg-y tɩ y pa segd n bĩng zaoos tɩ sã n pa neb nins sẽn tog sor ne yãmbã yĩnga, bɩ y zakã ned wall y Biibl karen-biig yĩng ye. Da rogl-y baa fʋɩ zaoosã zugu, sẽn na yɩl tɩ neb nins sẽn baood zĩisã tõog n bãng tɩ yaa zĩ-vɩɩdo.

YAMLEOOG TƲM-TƲMDBA: Tigis-kãsengã sasa y sã n dat n sõng ne tʋʋmã, bɩ d bõos tɩ y tɩ yã neb nins sẽn get rẽ yellã.