SAK 16

Kengd-y kɛlgdbã raoodo

Zoob 16:5

Y SẼN NA N BÃNGE: Y sõsgã sasa bɩ y gom bũmb nins sẽn kengd raoodã yelle, la sẽn na n kɩt tɩ kɛlgdbã rat n tũ.

Tall-y yam-sõngo. Kɩs-y sɩd tɩ y tẽed-n-taasã rata ne b sũur fãa n ta a Zeova yam. Baa y sã n tog n sagl-b lame, sã n tõe bɩ y reng n pẽg-b bũmb nins b sẽn modgd n maandẽ wã wɛɛngẽ.

Y goamã segd n wilgame tɩ y nonga y tẽed-n-taasã. Y pa segd n gomd tɩ yaa wa y sũur yikame ye. Mi n yõgemd-y y noor ne-ba, tɩ b bãng tɩ y kʋmd-b lame, la tɩ b tõe n kɩs-y-la sɩda.
Boog-y goam nins sẽn pa kengd raoodã. Y sã n na n goma bũmb sẽn pa kengd raood yelle, tog n yɩɩ y sẽn dat tɩ kɛlgdbã rɩk yam yell pʋgẽ yĩng bala. Y sõsgã segd n kenga kɛlgdbã raoodo.
Tik-y y sẽn yetã Wẽnnaam Gomdã zugu. Wilg-y kɛlgdbã bũmb ning a Zeova sẽn maane, a sẽn maande, la a sẽn na n wa maan n kõ ãdem-biisã. Sõng-y-b tɩ b paam daoodo, la b bãng tɩ manegr n wate.