Sõng-y nebã tɩ b bãng sẽn tar yõodã

1 Korẽnt rãmbã 9:19-23

Y SẼN NA N BÃNGE: Sõng-y kɛlgdbã tɩ b tags sõma, sẽn na yɩl tɩ y sõsgã baasgẽ bɩ b miẽ tɩ b bãnga bũmb sẽn tar yõod wʋsgo.

Y SẼN TÕE N MAAN TO-TO:

• Tags-y bũmb ning kɛlgdbã sẽn zoe n mi wã yelle. Y sõsgã sasa, ra lebg-y n gom-y bũmb nins kɛlgdbã sẽn zoe n wʋmã yell bal ye. Sõng-y-b me tɩ b bãng bũmb b sẽn da pa mi.

• Maan-y vaeesgo, la y bʋgse. Sẽn na yɩl n sõng kɛlgdbã tɩ b wʋm y sẽn dat tɩ b tẽegã, y tõe n togsa kibar b sẽn pa mi, wall yɛl sẽn maan sẽn pa kaoose. La y tog n modgame tɩ y sẽn na n togsã zems ne y sõsgã.

• Wilg-y tɩ koɛɛg ning y sẽn taasdã tara yõodo. Wilg-y Biiblã saglsã sẽn tõe n sõng kɛlgdbã to-to. Makre, wilg-y saglg sẽn tõe n sõng-b to-to yɛl takɩ sẽn pak-b pʋgẽ, b manesmã wall b tʋʋm-tʋmdɩ wã wɛɛngẽ.