Y SẼN TÕE N SƖNG SÕSG TO-TO
SAK A 4
Yɩ-y sik-m-meng soaba
Biiblã sẽn yete: “Bɩ y ned kam fãa sik a menga, n tagsdẽ t’a taabã yɩɩda yẽ.”—Fili. 2:3.
A Poll sẽn maan to-to
1. Ges-y VIDEO wã, wall y karem Tʋʋm 26:2, 3. Rẽ poor bɩ y leok sogsgã:
Wãn to la a Poll sẽn gom to-to ne Rĩm a Agripa wã wilg t’a yaa sik-m-meng soaba?
Bõe la a Poll yeel tɩ wilgd t’a ra ratame tɩ nebã pẽg a Zeova la Gʋls-sõamyã n yɩɩd yẽ menga?—Ges-y Tʋʋm 26:22.
A Poll sẽn maan to-to wã wilgda tõnd bõe?
2. D sã n yaa sik-m-meng soab la d gomd ne waoogre, kɩtdame tɩ nebã rat n kelg koɛɛg ning tõnd sẽn tar n na n taas-bã.
Maan-y wa a Poll
3. Ra paoog-y nebã ye. Ra maan-y tɩ yaa wa yãmb n mi bũmb fãa, la tɩ neb a taabã pa mi baa fʋɩ ye. Gom-y ne nebã ne waoogre.
4. Modg-y tɩ yɩ vẽeneg nebã yamẽ tɩ y sẽn yet bũmb ningã yita Biiblã pʋgẽ. Goam nins sẽn be Wẽnnaam Gomdã pʋgẽ wã tõe n kẽe nebã sũyã. D sã n wilg-b bõn-kãense, d sõngd-b lame tɩ b tẽebã kɩ yẽg sõma.
5. Tall-y bʋgsem. Ra pẽdgd-y n na n wilg tɩ y tara bʋʋm ye. D pa rat n wẽ no-koɛɛm ye. Y sã n yõk y menga, la y loog sã n wa yaa tɩlɛ, y wilgdame tɩ y yaa sik-m-meng soaba. (Yel. 17:14; Tɩt 3:2) D sã n leok a soabã ne bʋgsem, tõe n sõngame t’a wa sak n kelg tõnd nindaare.