Ziri sẽn wa ne ziri a taaba

TƲM-TƲMD a Poll da wa n gʋlsa pipi kiris-nebã n yeel-b tɩ b “gũus neere.” Bõe yĩnga? A paasa woto: “Tɩ ned da sãam yãmb ne ninsaalb bãngr la b belgr sẽn ka yõodo, sẽn yaa ninsaalb minund sẽn yaa dũniyã rẽnda, la ka Kirist rẽndã ye.”—Kolos rãmba 2:8.

Baa ne a Poll sẽn keoog woto wã, kiris-nebã kẽer wa n yik n dat n tũnuga ne filozof rãmbã bãngr n bilg bũmb nins bãmb sẽn tẽedã. Bõe yĩnga? B tʋlgame tɩ Rom soolmã neb nins b sẽn da get wa bãngdbã pẽg b tũudmã sẽn na yɩl tɩ b paam neb wʋsgo.

Wala makre, a Justin Martyr sẽn yaa kiris-nin-kãensã sʋkã ned a ye yʋʋr sẽn yi wã yeelame t’a Zezi sẽn yaa Wẽnnaam koe-taasdã reng n vẽnega Gɛrɛs filozof rãmbã yʋʋm wʋsg sẽn deng t’a wa tẽngã zugu. Sã n yaa ne a Justin la karen-saam-dãmb a taab sẽn da tagsd wa yẽ, filozofi wã la Gɛrk rãmbã bãngdb a taab sẽn zãms nebã bũmb ningã sõngame tɩ Kirist tũudmã lebg ãndũniyã gill tũudum.

A Justin Martyr dãmb sẽn toeem Kirist tũudmã yĩnga, neb wʋsg sak n kẽ-a-la nana-nana. La ziri zãmsg nins b sẽn sak sɩngrẽ wã kɩtame tɩ b wa ne zãmsg a taab me sẽn pa sɩda. Rẽ n so tɩ rũndã-rũndã, b zãmsd nebã yɛl b sẽn tẽed tɩ sɩd yaa Kirist tũudmã zãmsgo, tɩ yaool n yaa ziri. Y sã n dat n bãng sɩdã, bɩ y ges sõss nins sẽn pʋgdã pʋgẽ tɩ b wilgda sɛb kẽer goamã, la b wilgd Biiblã me sẽn yet bũmb ninga.

[Foto rãmba soaadba, seb-neng a 3]

Devil: Barrators—Giampolo/The Doré Illustrations For Dante’s Divine Comedy/Dover Publications Inc.; angels: Art Resource, NY; trinity relief: Museo Bardini, Florence