Kos-y sõngre
1 Goam nins vʋʋsem sõngã sẽn vẽnegã sẽn yaa “vɩɩmdg sẽn pa nana” wã sɩd bilga tõnd wakatã sẽn yaa toogã tɩ zemse. (2 Tɩm. 3:1, NW ) Dẽ, bõe la y tõe n maane, y sã n wa segd yɛl sẽn ka nana tẽebã wɛɛngẽ, n tõe n tagsdẽ tɩ y ka segl sõma sẽn na yɩl n mao ne-ba?
2 Y sakame n na n gom ne tigingã ned sẽn bɩ tẽebã wɛɛngẽ bɩ? Nina tõe n maanda sãmb-sãmb ne rẽ maanego, yãnd yĩnga, a sẽn ka rat n yɩ zɩɩb n kõ nebã, bɩ a sẽn sãmbd ned sã n sɩd tõe n sõng-a lame wã yĩnga. Yaa sɩd tɩ d segd n modgame n tʋk d mengã zɩɩb sõma wala d sẽn tõe tɛka, la wakat fãa d ka segd n maan yam-yoog ne bao sõngr yɛl sẽn tɩ loe ne tõnd tẽebã yɩ-neer ye.—Gal. 6:2, 5.
3 D sẽn na n sɩngẽ wã: Y tõe n yãa y sebrã zãmsg taoor soab n kos n tʋm ne-a koe-moonegã pʋgẽ. Rẽ na n kõo yãmb segb tɩ y wilg-a tɩ y rat n bɩɩ tẽebã wɛɛngẽ. A sã n yaa ministɛɛr sõgen bɩ y wilg-a tɩ y rata sõngr tẽebã wɛɛngẽ, t’a kos kẽem dãmbã tɩ b sõng-yã. Bɩ y le tõeeme n tɩ yã kẽem soab a yembr n gom ne-a yɛl sẽn pak-y zugu.
4 Yaa bõe sõngr la yãmb data? Bũmb n boog yãmb yẽesmã bɩ? Yãmb yaa roagd sẽn wubd y kamb y yembr n maood tɩ y kambã kell n pa n pẽneg tigingã bɩ? Yãmb yaa ned sẽn kʋʋl n baood sõngr bɩ? Bɩ yaa yell ning n komsd yãmb daoodo? Tõnd wakatã sẽn yaa toogã vɩɩmdg tõe n yaa toogo, la baas n tõeeme. Sõngr beeme.
5 Kãsem dãmbã sẽn sõngd to-to: Kẽem dãmbã sɩd geta d yelle. B na n kelga yɛl nins sẽn pak yãmbã. Koe-moondb a taab sã n segd zu-loees sẽn wõnd woto, kẽem dãmbã na n goma rẽ yell b sã n maand pe-kɩʋʋng tʋʋmdã la b kõt zãmsg tigingã pʋgẽ. B sẽn yaa ‘mamsg tigingã neb yĩngã,’ b seglame n sa wakat fãa n na n tʋm ne yãmb sũ-noog pʋgẽ. (1 Pɩɛ. 5:3) Y sã n kelg saam-bi-kãensã sẽn tar minimã sẽn tagsd Biiblã noy zut to-to wã, rẽ tõe n paasa yãmb ministɛɛrã sõmblem la sõng-y y mengã vɩɩm pʋgẽ.—2 Tɩm. 3:16, 17.
6 A Zezi kõo tõnd ‘kũun sẽn yaa roap’ wʋsgo. (Ef. 4:8, NW ) Rẽ rat n yeelame tɩ kẽem dãmbã bee yãmb sõngr yĩnga. B bee be n na n sõng yãmba. Sɩda, b yaa “yãmb dẽnda.” (1 Kor. 3:21-23) Wala tɩ y sĩndã, gom-y ne-ba. Kos-y sõngr ning y sẽn datã.