Rasem a tãab tigis-kãsengã sagla tõnd tɩ d tũ Wẽnnaam

Ad rasem a tãab tigis-kãseng ning sẽn yaa “Tũ-y Wẽnnaama” sɩd wilg a Zeova gom-kãensã vẽenega: “Ad sore, bɩ y kẽne.” (Ezai 30:21) D sã n tũ sagls nins d sẽn paamã, na n sõng-d lame tɩ d ‘gũus ne d kẽndã neere.’ (Ef. 5:15) Bũmb nins d sẽn zãmsã zut bʋgsg na n sõng-d lame tɩ d ket n ‘kẽnd sɩdã pʋgẽ.’—3 Zã 3.

Tũnug-y ne sogsg nins sẽn pʋgdã ne y not rãmbã n segl yʋʋm 2004 rasem a tãab tigis-kãsengã lebg-n-gese, n wa tõog n leoke. B na n maana lebg-n-gesã wao-fugdg kiuugã rasem 21 semenã tʋʋmd tigisgẽ.

1. Wãn to la a Enok tõog n tũ Wẽnnaam baa ne a sẽn da vɩ gudgr wakatã? (Heb. 11:1, 5, 6; Ziid 14, 15; “Tũ-y Wẽnnaam gudgr wakate”)

2. Vɩɩmã nen-bʋs pʋsẽ la d tõe n tũ noor ning sẽn be Luk 16:10 pʋgẽ wã? (“Yãmb ‘maanda sɩd ne bũmb sẽn yaa bilf’ bɩ?”)

3. a) Wilg-y zãmsg a naas sẽn yit Oze sak a 6 n tɩ ta sak a 9 wã sẽn na n sõng-d tɩ d tũ Wẽnnaam. (Oze 6:6, 7; 7:14; 8:7 b) Zãms-bʋs me sẽn yit Oze sak 10 n tɩ ta a sak 14 pʋgẽ wã n tõe n sõng-d tɩ d tũ Wẽnnaam? (“Gom-n-dees taaba: A Oze bãngr-gomdã sõngda tõnd tɩ d tũ Wẽnnaam”)

4. Bõe la pʋg-sɩdb nins sẽn yaa kiris-nebã ne b pagbã tõe n maan vẽeneg n paas b kãadmã pãnga? (Yel. 12:4; Ef. 5:29; “Da welg-y ‘bũmb nins Wẽnnaam sẽn lagem ne taaba ye’ ”)

5. Wãn-wãn la d wilgd tɩ d waoogda Wẽnnaam balengã tigissi? (Koɛ. 4:17; Ezai 66:23; “D waoog Wẽnnaam balengã tigissi”)

6. a) Tõnd koe-moonegã nens a tãab bʋs sẽn tar yõod wɛɛngẽ la d segd n gũus n ges d sã n sɩd kẽesda d meng sõma b pʋsẽ? (Ezai 52:7; Zak. 8:23; Mark 6:34) b) Sebr ning gom-zug sẽn yaa Une bonne nouvelle pour des gens de toutes nations wã zĩ-bʋs la y get tɩ tara yõod wʋsgo? (“Koe-noog tẽnsã fãa neb yĩnga”; “D sõng neb nins sẽn gomd buud-gom-zẽngã”)

7. Wãn to la d tõe n sõng nin-paalsã tɩ b tall bas-m-yam b sã n wa moond Rĩungã koɛɛga? (Bʋk. 7:17; “D sõng neb wʋsg tɩ b wa naag tõnd koe-moonegã pʋgẽ”)

8. Wãn to la d wilgd tɩ d kɩsa sɩd t’a ‘Zeova ra-kãsengã kolgame?’ (Sof. 1:14; ‘D kẽn ne tẽebo, pa ne nif yãab ye’)

9. a) Hal sẽn ta zĩ-bʋg la ned lubr tẽebã wɛɛngẽ yaa wẽnga? (Mark 9:42-48) b) Wãn to la d tõe n da lak tẽebã wɛɛngẽ? (Yɩɩl 119:165) d) Wãn-to la d tõe n da kɩt tɩ ned lak tẽebã wɛɛngẽ”? (1 Kor. 10:24; “D gũus n da yɩ kug-lakdg ye”)

10. Wãn to la d tõe n yɩ maan tɩ zems rãmba, d sã n wa baood kẽed-n-taaga, d sã n wa rat n tɩp d menga, la d sã n wa maand afɛɛr dãmba? (Yɩɩl 26:4; Mat. 6:25; 1 Tɩm. 6:9; “Gũus-y y mens sõma”)

11. a) Bõe n da be yamleoog wʋsgo, neb a taabã sẽn da reegd a Zezi sãandã pʋgẽ? (Luk 10:42; 24:32) b) Wãn to la d tõe n kok pemsem tɩ naf tõnd la neb a taabã? (1 Kor. 10:31-33; “Pemsem kokr sẽn yaa sõma”)

12. Sẽn zems ne Yɩɩl Sõamyã 23 soabã, bark bʋs la d paamd d sẽn yaa a Zeova piisã, la zɩɩb bʋs la d tara? (1 Kor. 10:21; “A Zeova yaa tõnd Pekɩɩmã”)

13. Wãn to la kiris-nebã tũud Biiblã noor ning sẽn yet tɩ b bao sẽk ning sẽn zemsã? (Ef. 5:16; “D bao sẽk ning sẽn zemsã”)

14. a) Bõe me n naag ‘bʋ-kaoor wakat’ ning yell b sẽn gomd Wilgr 14:7 pʋgẽ wã? b) Wãn-to la d wilgd vẽeneg tɩ d sɩd welga d meng ne Babilon kãsengã? (“ ‘Gũusd-y’ tɩ bʋ-kaoorã wakat taame”) d) Bõe n yɩ yãmb noog Ket-y n gũusdẽ seb-bilã pʋgẽ?

15. Wilg-y zʋg-sõma a tãab d sẽn segd n tall tɩlae sẽn na yɩl n da wa ‘bʋdg n bas so-tɩrgã’ ye. (2 Pɩɛ. 2:15; “Gũus-y n da wa ‘bʋdg n bas so-tɩrgã’ ye”)

16. Wãn-wãn la kom-bɩɩsã tõe ‘n da tũ nin-wẽnsã sore’? (Yel. 4:14; “Kom-bɩɩse, tũ-y tɩrlmã sore”)

17. a) Tõog-toogã wɛɛngẽ, mak-sõng bʋg la a Poll kõ-yã? (Tʋʋ. 14:19, 20; 16:25-33) b) Bõe yĩng tɩ d pa segd n zoe sɩdã kɩɩsdba? (Darmã la sõsg ning sẽn yaa: “Kõ-y kasetã sõma rũndã-rũndã baa ne kɩɩsgã”)

18. Wẽnnaam tũub wata ne bark bʋse? (“Wẽnnaam tũub wata ne bark masã la wakat sẽn pa sate”)

Bɩ d rɩk sard ne d sũur fãa n tũ gomd ning d sẽn wʋmd d poorẽ wã n tũ d saasẽ Ba wã wakat fãa.—Ezai 30:21; Zã 3:36.