Bũmb ning d sẽn na n yeel n wilg zʋrno rãmbã

Gũusg Gasgã Tʋʋlgo, 1

“D sã n dat n maan bũmb d sẽn mi tɩ yaa sõma tɩ b gɩdgd-do, pa nana ye. Yell a woto taoore, yãmb tagsdame tɩ bõe n tõe n sõng-d tɩ d kell n maan sẽn segdã? [Bas-y t’a leoke. Dẽ poor bɩ y karem Yelbũn 29:25.] Sõs-kãngã wilgda bʋʋm a nu sẽn kɩt tɩ d segd n zoe Wẽnnaam n yɩɩg ninsaala.” Wilg-y sõsg ning sẽn be sebrã neng 12 wã sɩngrẽ.

Réveillez-vous ! Tʋʋlgo

“Tõnd fãa rata zo-rãmba. La ne yãmba, zo-sõng zʋgd yaa wãn-wãna? [Bas-y t’a leoke.] Kelg-y Biiblã verse kãngã sẽn yet bũmb ninga. [Karm-y Yelbũn 17:17.] Sõs-kãngã tara sagls sẽn tõe n sõng-y tɩ y bao zo-rãmb sẽn yaa sõma, la b tõe n sõng-y me tɩ y yɩ zo-sõngo.” Wilg-y sõsg ning sẽn be sebrã neng 18 wã.

Gũusg Gasgã Tʋʋl-nifu, 1

“Neb wʋsg tagsdame tɩ no-loeerã tõe n kɩtame tɩ b paam Wẽnnaam zoodo. Bõe la yãmb yẽ tagsda? [Bas-y t’a leoke.] Kelg-y Wẽnnaam Gomdã sẽn yet bũmb ninga. [Karm-y Matɩe 6:16.] Seb-kãngã pʋgẽ, b wilgdame tɩ pa no-loeer buud fãa n tat Wẽnnaam yam ye.” Wilg-y sõsg ning sẽn be sebrã neng 27 wã.

Réveillez-vous ! Tʋʋl-nifu

“Wõnda lekoll karen-biisã tʋʋm waoogame hal tɩ kɩt tɩ b maand yɩɩre. Rẽ yĩnga yɛlã sẽn da yaa to-to b roagdbã wakatã ne rũndã-rũndã wã yaa yembr bɩ? [Bas-y t’a leoke.] Weoogr sẽn loog nug tõe n waa ne zu-loees n kõ kambã. [Karm-y Yelbũn 12:25.] Seb-kãngã wilgda kãsembã sẽn tõe n sõng kom-bɩɩsã to-to tɩ b tõog n mao ne zu-loe-kãense.”