La Bible : Une force dans votre vie

Biiblã sõnga neb milyõ rãmb tɩ b maneg b vɩɩmã. Biiblã sagl-bʋs n tõe n sõng tõnd tɩ d mao ne rũndã-rũndã zu-loeesã? Y sã n ges video ning gom-zug sẽn yet tɩ La Bible : un livre historique et prophétique babg a yiib-n-soabã, gom-zug sẽn yaa: La Bible : une force dans votre vie wã, na n sõng-y lame tɩ y bãng sokrã leoore. Video wã gesg poore, bɩ y mak n leok sogsg nins sẽn pʋgdã:

1) Bõe n wilgd tɩ Biiblã pa seb-mitb sẽn mi b tʋʋmd sõma bal sebre? (Heb. 4:12) 2) Biiblã sã n tõe n sõnga nebã tɩ b vɩɩmã yɩ sõma n paase, bõe yĩng tɩ zu-loees wʋsg ket n namsd ninsaalbã? 3) Biiblã gom-zugã meng yaa bõe? 4) Biiblã vɛrse bʋs la b sõdg video wã pʋgẽ, tɩ tõe n sõng rao ne pag a) tɩ b yẽsd ne taab sõma n paasdẽ b) tɩ b yɩ neb sẽn tõogd b sũyã? 5) Wãn-wãn la kiris-nebã sẽn get kãadmã to-to wã tõe n maneg b zakã vɩɩm? (Ef. 5:28, 29) 6) Bõe la a Zeova maan-yã, tɩ yaa mak-sõng n kõ roagdbã? (Mark 1:9-11) 7) Wãn-wãn la roagdbã tõe n maan tɩ b zakã pʋgẽ Biibl zãmsgã tall yamleoogo? 8) Biiblã zãmsg sẽn yãk a toogo, bõe la Wẽnnaam Gomdã yet roagdbã tɩ b maan b kambã yĩngã? 9) Wãn-wãn la Biiblã sagls tõe n sõng zak neb tɩ b mao ne talemdo? 10) Biiblã sagl-bʋs tũub yɩlemdã, dorgã, rãamã la yɩɩrã wɛɛngẽ n tõe n sõng ned t’a gil bãas kẽere? 11) Biiblã kãab-bʋs tẽeb n tõe n keng d raoodo? (Zoob 33:25; Yɩɩl 145:16) 12) Wãn-wãn la Wẽnnaam Gomdã noy tũub maneg yãmb mengã vɩɩm? 13) Wãn to la y tõe n tall video kãngã n sõng neb a taaba?