D sẽn tõe n kãab nebã periodik rãmbã to-to

Gũusg Gasgã wao-fugdgu, 1

“Yãmb tagsdame tɩ ninsaal tõe n bãnga Wẽnnaam sẽn yaa to-to bɩ? [Bas-y t’a leoke.] Mam tara sebr sẽn gomd rẽ yelle.” Lak-y seb-neng 16, n karem goam nins sẽn be sokr a 2 soabã tẽngrã, la y yãk vɛrse a ye be n karem. Rẽ poor bɩ y kãab a soabã periodik rãmbã, la y rɩk sɛk n lebg n kẽng n tɩ vaees sokr a 3 soabã la a leoorã.

Réveillez-vous ! Wao-fugdgu

“Biiblã sẽn yaa seb-kʋdrã yĩnga, neb kẽer yetame t’a goamã pa zems ne siãnsã rãmb goamã ye. La yãmb yẽ tagsda wãn rẽ wɛɛngẽ? [Bas-y t’a leoke.] Gomd n be Biiblã pʋgẽ, tɩ neb wʋsg sã n karem bɩ lingd-ba. [Karm-y Ezai 40:22.] Seb-kãngã pʋgẽ, sõsg ning sẽn sɩngd seb-neng 22 wã leokda sok-kãngã: Siãnsã ne Biiblã goam tũuda taab bɩ?”

Gũusg Gasgã tʋʋlgo, 1

“Nebã mii a Zeova Kaset rãmbã b moonegã yĩnga. La yãmb mii bũmb ning sẽn kɩt tɩ tõnd moond koɛɛgã bɩ? [Bas-y t’a leoke.] Ges-y Biiblã sẽn yet bũmb ning rẽ wɛɛngẽ. [Karm-y Matɩe 24:14.] Seb-kãngã leokda sogsg kẽere. Wala makre: Koe-noogã yaa bõe? Wẽnnaam Rĩungã yaa bõe? La saabã võor yaa bõe takɩ?”

Réveillez-vous ! Tʋʋlgo

“Sẽn mik tɩ neb wʋsg bẽedame wã yĩnga, tõnd wilgda nebã bũmb sẽn kengd raood Wẽnnaam Gomdã pʋgẽ. [Karm-y Ezai 33:24.] Gom-kãngã sã n wa pidsi vɩɩmã na n yɩɩ wãn-wãna? [Bas-y t’a leoke.] La nand tɩ Wẽnnaam wa toeem yɛlã, sagls n be d sẽn tõe n tũ n paas d laafɩ wã. Seb-kãngã wilgda rẽ.”