Y sẽn tõe n yeele:

Yɛ la d tõe n paam sogsg nins sẽn pak nebã leoore?

Reng-y n kõ-y kɛlgdã seb-vãoogã sẽn na yɩl t’a yã gom-zugã, la y yeel-a woto: “Dũniyã gill zugu, tõnd pʋɩta nebã seb-vã-kãngã. Koɛɛg sẽn tar yõod ne nebã fãa n be a pʋgẽ. Yãmb dẽnd la woto.”

Y sã n pa mik ned yir n dat n dɩgl seb-vãoogã, bɩ y rɩgl-a zĩig neb a taab sẽn pa tõe n yã, la y gũus n da põd-a yaar ye.

Kɛlgdã sã n dat n wʋm koɛɛgã n paas wall a rat n sõse, y tõe n sok-a-la sogsg nins sẽn be seb-vãoogã pipi nengã. Rẽ poor bɩ y lak seb-vãoogã n wilg-a Yɩɩl Sõamyã 119:144, 160 sẽn yetã. Wilg-y-yã-a tɩ seb-vãoogã gomda sɩt wɛɛb yelle, sẽn tõe n sõng-a t’a paam sogsg wʋsg leoor Biiblã pʋgẽ. Sã n tõe bɩ y wilg-a “Bõe yĩng tɩ y segd n zãms Biiblã?” video wã. Nand tɩ y looge, wilg-y-yã-a sogsg nins sẽn be seb-vãoogã poorã, la y sok-a n ges bʋg leoor la a tʋll n paame. Rɩk-y sɛk n lebg n tɩ sõng-a t’a bãng a sẽn tõe n tũnug ne tõnd sɩtã (jw.org) to-to n paam a sokrã leoor Biiblã pʋgẽ. Y sã n lebg n na n tɩ kaag-a, bɩ y kẽng sɩtã zugu, n kilik LA BIBLE ET VOUS > QUESTIONS BIBLIQUES tɩ y sõs leoorã sẽn be be wã zugu.

Seb-vãoogã pʋɩɩb sã n seg tigis-kãsengã booll seb-vãoog me pʋɩɩbo, y tõe n kõo kɛlgdã b yiibã fãa, la y yeel-a woto: “Seb-vãoog a to wã yaa sẽn na n bool-y tɩ y wa tigis-kãseng d sẽn na n maane.”

Gũusg Gasgã, Sa-sika, 1

Wɩkɛn-dãmbã, sã n tõe bɩ y kãab nebã Gũusg Gasgã. Ad y sẽn tõe n yeele: “M nongẽ lame n kõ-y Gũusg Gasgã me. A pʋgẽ wã, b leokda sok-kãngã: Yãmb yell paka Wẽnnaam bɩ?”

Réveillez-vous ! Sa-sika

Wɩkɛn-dãmbã, sã n tõe bɩ y kãab nebã Réveillez-vous ! wã. Ad y sẽn tõe n yeele: “M nongẽ lame n kõ-y Réveillez-vous ! wã me. A leokda sok-kãngã: Bõe la neb tõe n maan tɩ laafɩ zĩnd b sʋka?”