Maand-y sãambã sãando, n wilgdẽ tɩ y pʋɩta “bõn-sõma” (Mat. 12:35a)

Yaa vẽeneg tɩ tõnd fãa rat n ‘maanda sãambã sãando,’ tɩ wilgdẽ tɩ d taasda d taabã “bõn-sõma.” (Rom 12:13) Kãsem-dãmbã kõta mak-sõng rẽ wɛɛngẽ. Saam-biig sã n yi tiging a to n wa wɛgs sõsga, b reegd-a-la sãando, la b kõ-a esãens ligdi. Baasgo, nina tõe n wa tagsdame t’a tõogã sẽn pa waoogã yĩnga, a pa tõe n maan ned sãando, pa rẽ bɩ a zoet yãnd n pa rat tɩ ned wa a yir ye. La d sã n tũud saglg ning a Zezi sẽn da kõ a Martã, d tõogd n welga zu-loe-kãngã. (Luk 10:39-42) A Zezi wilgame tɩ pa d sẽn na n nags d zakã, pa rẽ bɩ d sẽn na n segl rɩ-nood n deeg d to, n tar yõod n yɩɩd ye. Yaa d sẽn na n sõs la d keng taab raoodã. D fãa sã n tũ sagl-kãngã, d na n tõog n kõ d tẽed-n-taasã “bõn-sõma” wa Wẽnnaam Gomdã sẽn yetã.—3 Zã 5-8.