D SẼN BÃNG BIIBLÃ KARENG PƲGẼ | YƖƖN-SÕAMYÃ 52–59
Bas f yell ne a Zeova
A Davɩɩd sega yel-kɛgems a vɩɩmã pʋgẽ. A sẽn wa n gʋlsd Yɩɩn-sõamyã 55 soabã, rẽ t’a yãa tood wʋsgo. Wala makre:
Yaoolgo
Namsgo
A ninga a meng taale
Zak pʋgẽ zu-loeese
Bãaga
Zãmbgo
Baa sã n wõnd a Davɩɩd zu-loeesã ra yɩɩda a pãnga, a ra mii bũmb ning sẽn tõe n sõng-a. A Zeova vẽneg-a lame t’a sagl neb nins sẽn maood ne yẽ zu-loeesã buudã. A yeelame tɩ b bas b yellã ne a Zeova.
Wãn to la tõnd tõe n tũ sagl-kãngã?
Sẽn yaa yell ning fãa n namsd tõndo, bɩ d pelg d pʋg n pʋʋs a Zeova n kos a sõngre.
D bao sõngr a Zeova Gomdã la a siglgã pʋgẽ.
D maan d sẽn tõe fãa n bao yellã tɩɩm tɩ zems ne Biiblã sẽn yetã.