Da yɩ-y kug-lakdg y meng wall y taabã yĩng ye

A Zeezi rɩka makr toor-toor n na n wilg tɩ ned sã n lebg kug-lakdg a meng wall a taabã yĩnga, sɩd yaa yelle.

18:6, 7

• Kug-lakdgã makda bũmb ned sẽn maane, bɩ yell sẽn kɩt tɩ ned lake, bɩ n maan sẽn pa segd wall yel-wẽnde.

• Ned sã n maan t’a to lake, b sẽn loe a kokor ne neer kugr n lob-a ko-kãsengã pʋgẽ n ket n são a yĩnga.

18:8, 9

• A Zeezi sagla a karen-biisã tɩ b sak n fiuug b nug wall b feoog b nifu, a sã n tõe n kɩt tɩ b lake.

• F sẽn na n sak n fiuug bõn-kãng sẽn tar yõod ne-fã n paam n kẽ Wẽnnaam Rĩungã pʋgẽ, n são f sẽn na n bas-a t’a kɩt tɩ b wa lob-f Zeɛnnã sẽn makd sãoong wakat fãa yĩngã pʋgẽ.

Mam vɩɩmã pʋgẽ, bõe n tõe n lebg kug-lakdga, la bõe la m tõe n maan n da lake, wall m da lak neda?