“Kell-y n gũ-y-yã”

25:1-12

Yaa sẽn paam-b vʋʋsem sõngã zaeeb yĩng la a Zeezi wẽ pʋg-sadb piig yel-bũndã, la kiris-nebã fãa segd n tũu a saglgã. (w15-MM 1/3 13-17) “Woto yĩnga, bɩ y gũ! Bala, yãmb ka mi daarã, wall wakatã ye.” (Mat. 25:13) Y tõe n bilga a Zeezi yel-bũndã võor bɩ?

• Pʋg-paalã sɩdã (vɛrse a 1)—A Zeezi

• Yam dãmbã bɩ pʋg-sadb nins sẽn da segl b mensã (vɛrse a 2)—Yaa sẽn paam-b vʋʋsem sõng zaeebã sẽn tʋmd b tʋʋmdã sõma, n yãgd wa vẽenem n na n tãag saabã. (Fili. 2:15)

• “Pʋg-paal sɩdã watame!” wã (vɛrse a 6)—B yãa bãnd ning sẽn wilgd t’a Zeezi sɩnga naam dɩɩbã.

• Pʋg-sadb nins sẽn yaa yalembã (vɛrse a 8)—Yaa kiris-neb sẽn paam zae-bã sẽn yi n na n tɩ seg pʋg-paalã sɩda. La b pa kell n gũ, b pa kell n maan sɩd me ye.

• Pʋg-sadb nins sẽn yaa yam dãmbã tõdgame tɩ b kõn yãk b kaamã n kõ ye (vɛrse a 9)—A Zeova sã n wa kõ sẽn zae-bã yaoolem bãndã, sẽn kell n yɩ-b sakdbã pa na n tõog n sõng sẽn pa kell n yɩ-b sakdbã ye.

• “Pʋg-paalã sɩdã taame” (vɛrse 10)—A Zeezi na n waa to-kãsengã baasg sẽnese, n kao bʋʋdo.

• Pʋg-sadb nins sẽn yaa yam dãmbã tũu pʋg-paalã sɩd n kẽ kãadmã tigr doogẽ, tɩ b pag kʋɩlengã (vɛrse 10)—A Zeezi na n tigsa sẽn paam-b vʋʋsem sõngã zaeeb n kell n yɩ sakdbã saasẽ. La a na n basa sẽn pa kell n yɩ-b sakdbã.