Baa pakã sẽn pa makd a Zeezi kũumã tẽegrã, pakã bũmb kẽer bãngr tõe n naf-d lame. Makre, tʋm-tʋmd a Poll boola a Zeezi tɩ “tõnd Pak pe-bilã.” (1 Kor. 5:7, MN) A Zeezi zɩɩmã fãagda ãdem-biisã wa pakã pe-bilã zɩɩm b sẽn da ning rotã zut tɩ fãag Israyɛll nebã. (Yik. 12:12, 13) Sẽn paase, b ra pa kaoogd pakã pe-bil kõbr baa a yembr ye. Woto me, baa b sẽn da minim n kaood ned b sẽn ka ra-luk zug kõb sẽn na yɩl n kʋ-a wã, b pa kaoog a Zeezi kõbr baa a yembr ye.—Yik. 12:46; Zã 19:31-33, 36.