Sẽn tũud-b a Zeezi wã segd n maana bõe?

9:62

Ka-koaad sã n dat n tak ruls tɩ yɩ tɩrse, a pa segd n bas tɩ bũmb sẽn be a poorẽ tiis-a ye. Kiris-ned me segd n gũusame tɩ bũmb a sẽn bas ra tiis-a ye.—Fili. 3:13.

D sã n wa segd zu-loeese, d tõe n tẽega d yɛlã sẽn da yaa to-to pĩndã n tagsdẽ tɩ wakat kãng n da noome. Tõe n yɩɩ d vɩɩmã sẽn da yaa to-to nand tɩ d bãng sɩdã. Ned sã n tagsd a woto, a tẽedame t’a zu-loeesã ra pa maneg n yaa kãn-kãe, la t’a sũ-noog ra yɩɩda masã wã. La yaa tudgri. Israyɛll nebã sẽn yi Ezɩptã poore, b wa n tagsda woto. (Sõd. 11:5, 6) Tags-kãensã tõe n kɩtame tɩ kiris-ned wa rat n vɩɩmd wa a sẽn da vɩ to-to pĩndã. Sẽn são yaa d sẽn na n tagsd bark ning d sẽn paamdã, la nafa ning d sẽn na n paam Wẽnnaam Rĩungã naam sasa wã.—2 Kor. 4:16-18.