“Kũun b sẽn kõ a Zeova”

Wãn to la d tõe n kõ a Zeova kũun rũndã-rũndã? (1 Kib. 29:5, 9, 14) D tõe n tũnuga ne manesem toor-toor n kõ kũun n teel tõnd tigingã, la tʋʋmd ning a Zeova Kaset rãmbã sẽn tʋmd dũniyã gill zugã. Ad manesem kẽere:

KŨUN NINS D SẼN KÕT NE SƖTÃ MAASMÃ, WALL D SẼN NINGD KOGENDẼ WÃ YAA:

• 

  TƲƲMDÃ D SẼN TƲMD DŨNIYÃ GILL ZUGÃ YĨNGA

  Siglgã rot meebo, la filiyall-dãmbã ne sɛbã lebgr biru-rãmb yĩnga.

  Siglgã lekoll-dãmb yĩnga.

  Sẽn kẽes-b b meng zãng Wẽnnaam tʋʋmdã pʋgẽ wã yĩnga.

  Neb nins sabab-wẽns sẽn paamã sõngr yĩnga.

  Sɛbã yiisgu, video-rãmbã, la sɩtã yĩnga.

• 

  TIGINGÃ DEPÃENS-RÃMB YĨNGA

  Tigingã depãens-rãmbã, wala koomã, kʋʋrã wã la bũmb a taab b sẽn maand Rĩungã roog yell gesg yĩnga.

  No-sɩɩr ning fãa tigingã sẽn dɩk n na n toond filiyallã ligd yĩnga:

  • Rĩungã rot ne tigs-kãsemsã rot b sẽn met dũniyã gill zugã yĩnga.

  • Rĩungã rot la siglgã rot a taabã koglg yĩnga.

  • Tʋʋm a taab b sẽn tʋmd dũniyã gill zug yĩnga.

TIGIS-KÃSEMSÃ YĨNGA

B rɩkda ligdã yãmb sẽn kõt rasem a tãab tigis-kãsemsã sasa wã, n teend tʋʋmdã d sẽn tʋmd dũniyã gill zugã. Yaa be la b yãkd n maand tigis-kãsems kẽer depãens-rãmba. Wala makre, rasem a tãab tigis-kãsemsã, la tẽns toɛy-toɛy tigis-kãsemsã.

Ligdã d sẽn kõt tigims sullã sõngdame tɩ b tõe n luwaas tigis-kãsengã roogo, n ges roogã yelle, la b maan tigims sullã depãens-rãmb a taaba. Tigims sullã neb tõe n dɩka no-sɩɩre, n yãk ligd sẽn kell b koglgẽ wã n kõ tʋʋmdã d sẽn tʋmd dũniyã gill zugã yĩnga.