D WILG TƖ D YAA KIRIS-NEB HAKƖƖKA

Wẽnnaam sakrã, la yĩn-wɩsgrã

Bi-pugl sẽn zãad bũmb sẽn tar n tãood teniisi, bi-ribl sẽn zãad baskɛt balle, tɩ bi-ribl a to zãad bũmb sẽn tar n tãood beezbolle

Yaa sɩd tɩ yĩn-wɩsgrã tara yõodo. La bũmb nins d sẽn maand n paasd tõnd ne a Zeova zoodã yõod n yɩɩda. (1 Tɩm. 4:8) Rẽ n so tɩ yĩn-wɩsgrã wɛɛngẽ, kiris-nebã pa segd n maan tɩ loog noor ye.

GES-Y VIDEO WÃ: BÕE LA F TOG N BÃNG ƐSPOOR TOOR-TOORÃ WƐƐNGẼ? RẼ POOR BƖ Y LEOK SOGSGÃ:

1. Nafa bʋs la y tõe n paam ɛspoorã pʋgẽ?
2. Bũmb a tã n tõe n sõng-d tɩ d bãng ɛspoor sã n yaa sõma bɩ pa sõma. Bãmb la bʋse?
3. Wãn to la Yɩɩn-sõamyã 11:5 wã sõngd tõnd tɩ d bãng ɛspoor ning d sẽn tõe n gese, la ɛspoor ning d sẽn tõe n maane?
4. Ɛspoorã wɛɛngẽ, wãn to la d tõe n tũ Filip rãmb 2:3 la Yel-bũn 16:18 wã saglsã?
5. Wãn to la Filip rãmb 1:10 saglgã sõngd tõnd tɩ d ra kẽesd d sẽkã fãa ɛspoorã gesg bɩ a maaneg pʋgẽ?