Tʋʋm-sõma Wẽnnaam sẽn pa yĩmdi

Neb nins fãa sẽn tũud a Zeova wã tõe n maana bõn-sõma a tʋʋmdã pʋgẽ, t’a pa tol n yĩm ye. A Zeova pa yĩmd tõnd tʋʋmdã ne d sẽn wilgd tɩ d nonga a yʋʋrã, wa ba sẽn nong a kamb sẽn pa yĩmd bũmb nins a kambã sẽn tõogd n maandẽ wã. (Mat. 6:20; Ebre. 6:10) Yaa sɩd tɩ tõnd minimã la d yɛlã sẽn yaa to-to wã pa yembr ye. La d sã n maand d sẽn tõe fãa a Zeova tʋʋmdã pʋgẽ, d tõe n kɩdma sũ-noogo. (Gal. 6:4; Kol. 3:23) Yʋʋm wʋsg pʋgẽ, d tẽed-n-taas tusa n tʋm Betɛllẽ wã. Yãmb tõe n kosame n wa tʋm Betɛllẽ wã bɩ? Sã n pa rẽ, y tõe n kenga ned raood t’a maan woto, wall y teel Betɛllẽ tʋm-tʋmd t’a kell n modg ne tʋʋm-kãng sẽn tar yõod wʋsgã bɩ?

GES-Y VIDEO WÃ: BAO-Y N TƖ TƲM-Y BETƐLLẼ WÃ, TƖ RẼ POOR BƖ Y LEOK SOGSGÃ:

• Bõe n segd n kɩt tɩ ned wa rat n tɩ tʋm Betɛllẽ wã?

• Bõe la neb kẽer yeel bark nins b sẽn paamd Betɛllẽ wã wɛɛngẽ?

• Bõe la b tikd n yãk ned t’a wa tʋm Betɛllẽ wã?

• Wãn to la y tõe n kos n wa tʋm Betɛllẽ wã?