D SẼN BÃNG BIIBLÃ KARENG PƲGẼ | SƖNGRE 32-33

Yãmb maoodame n na n paam bark bɩ?

D sã n dat n paam a Zeova barkã, d segd n modgda wʋsg n lʋɩɩsd Rĩungã tʋʋm taoore. (1 Kor. 9:26, 27) A Zakoob sẽn tall manesem ning baa ne a sẽn da kʋʋlã sõngda tõnd tɩ d bãng d sẽn tog n tʋm d tũudmã tʋʋm ne yam ninga. D wilgdame tɩ d rata a Zeova barkã ne d sũur fãa, d sã n . . .

Segend d mens sõma tigissã yĩnga
Moond koɛɛgã
Maand d sẽn tõe fãa n sõngd d taabã tigingã pʋgẽ

Pipi imaazã: Pag sẽn tar tʋʋm wʋsgo. A pʋʋsdame n yaool n na n sɩng a daarã tʋʋmã. Imaaz a yiib-n-soabã: A kõta a bi-pɛɛlgã rɩɩb n yaool na n yi koɛɛgã moonego. Imaaz a tãab-n-soabã: Yẽ ne a kom-pugli a yi wã n paas a tigingã saam-bi-pogs sẽn moond koɛɛgã, t’a sũur noomẽ.

Baa y yɛlã sẽn yaa toog to-to fãa, pʋʋsd-y-yã a Zeova n kot-a t’a sõng-yã, la a ning modgr nins fãa y sẽn maand n na n tũ-a wã barka.

SOK-Y Y MENGA: ‘Mam vɩɩmã pʋgẽ, zĩ-bʋs wɛɛngẽ la m tõe n maan modgr n paas n tõog n paam a Zeova barkã?’