Wuk-m-meng soab a Farawõ sõngame tɩ Wẽnnaam raabã pidsi, n pa bãng meng ye

8:11, 14, 15; 9:15-17

Ezɩpt rĩm-dãmbã b sẽn da boond tɩ Farawõ-rãmbã ra geta b mens wa wẽnnaam-dãmba. Woto sõngda tõnd tɩ d wʋm a Farawõ wuk-m-mengã sẽn da tolg n yaa wʋsgã võore. Kɩtame t’a pa sak n na n kelg a Moyiiz ne a Aarõ, la baa a tɩtã rãmb ye.

Ned sã n dat n togs yãmb a tagsg bũmb zugu, y sakd n kelgame bɩ? Ned sã n sagl yãmba, y pʋʋsd-a-la bark bɩ? Bɩ y yaa ned sẽn tagsd t’a tara bʋʋm wakat fãa? “Wuk-m-meng n lʋɩt taoore, tɩ lʋɩɩs pʋgle.” (Yel. 16:18) Hakɩɩka, yaa tɩlɛ tɩ ned fãa gũus n da wa yɩ wuk-m-meng soab ye.